Bjarnebiike 2023

Jarling häin we die 21. önj e biikenmoune en oueremätje tol bjarnebiike bai üüs schölj.

Mör as 300 latje än grute manschene hääwe jam önj e turnsool fersoomelt än löreden, wat schaie schul. En grut büüne wus apbaget, aw turnmate sätjen da bjarne üt da bjarnetööninge foon Foortuft, Risem än Lunham. Deerääder hääwe jam da schoulere foon e Risem-Schölj / Risum-Skole än foon e Nis-Albrecht-Johannsen-Schölj aw turnbånke seet, da 3. än 4. klase wjarn aw e tribüüne.

Eefter hu uurde foon fruu Gatzmaga, wat åle geestinge begrötet, gäng et lüüs ma di jarste sung. Di fraschliirer Jes Holm heet döör et program fjart. Et wus rik foon sunge, wat åle geeste masüngen, en teooterstuk am hååse, wat e noos foon e sniimoon klaut häin (klas 3a) än latje skätsche, wat da klase 4a, 4b än e 3b instudiirt hääwe.

Önj e schuftid jäiw et brüswååder än heedeweekene, wat foon e Friisk Foriining än di Frasche Feriin for e Ååstermååre sü as arks tooch stiped wjarn. Deerfoor seede we foon harten foole tunk!

Eefter di leeste sung – Taatjens üülje fulkswoin – gäng et bai beest wääder rüt tut iilj. Deer häi üüsen hüsmäister dåt iilj ål önj e gung än et wörden nuch iinjsen åle sunge süngen än awäädrie da geeste feroufschiised.

We fröie üs ål aw e tukaamen bjarnebiike 2024!

 

Hochdeutsch:

Dieses Jahr hatten wir am 21. Februar eine sehr tolle Kinderbiike an unserer Schule.

Mehr als 300 kleine und große Menschen hatten sich in der Turnhalle versammelt und warteten, was geschehen sollte. Eine große Bühne war aufgebaut, auf Turnmatten saßen die Kinder der Kindergärten Fahretoft, Risum und Lindholm. Dahinter hatten sich die Schüler der Risem-Schölj / Risem – Skole und von der Nis-Albrecht-Johannsen-Schule auf Turnbänke gesetzt, die 3. und 4. Klassen waren auf der Tribüne.

Nach einigen Begrüßungsworten von Frau Gatzmaga an die Gäste ging es mit dem ersten Lied los. Der Friesischlehrer Jes Holm führte durch das Programm. Es war reich an Liedern, die alle Gäste mitsangen, einem Theaterstück über Hasen, die dem Schneemann die Nase geklaut hatten (Klasse 3a) und kleinen Sketchen, die die Klassen 4a, 4b und die 3b einstudiert hatten.

In der Pause gab es Brause und Heißewecken, die wie jedes Mal von der Friisk Foriining und dem Frasche Feriin for e Ååstermååre gestiftet wurden. Dafür bedanken wir uns von Herzen!

Nach dem letzten Lied – Taatjens üülje fulkswoin – ging es bei bestem Wetter zum Feuer nach draußen. Dort hatte unser Hausmeister das Feuer schon in Gang, wurden noch einmal alle Lieder gesungen und danach die Gäste verabschiedet.

Wir freuen uns auf die nächste Kinderbiike 2024!